आमाप्रति (कविता)

पहिला–पहिला आमा
रातभर कोल्टे फेरिरहनु हुन्थ्यो
चुर खाइरहनु हुन्थ्यो
एक्लै मनसगँ बात मार्दै
बरबराइरहनु हुन्थ्यो
पट्यार लाग्दा रातहरुलार्इ
कहिले ओख्लीभरि कुट्नु हुन्थ्यो
कहिले जातोभरि पिस्नु हुन्थ्यो

यसरी आमा प्राय अनिन्दा रातहरु
सुस्केरा हाल्दै काट्नु हुन्थ्यो
र झिस्मिसेमै उठेर आँखामा अर्धकल्चो
सपना मिच्दै मेलोमा लाग्नु हुन्थ्यो

आमाको आदतदेखि दिक्क म, कराउँथे
– भुत जस्तो रातभर जाग्नुहुन्छ
– कति चुर खानु भएको होला
– खानामा ध्यान दिनु थि र सिजवामा होइन
– कि छाडेर गएको बुवाको याद आयो

आमा आफ्ना चिसा आँखाहरु पुछ्दै फुस फुसाउथिन्
“कान्छा तँलाई पछिईईईई था, हुन्छ

अचेल घरब्यबहारको जुवा मेरो काँधमा परेको छ
जोत्नु छ मैले सिङ्गो धर्ती र
रोप्नु छ जीवन गरा–गरा

आमा अचेल मेरा अनिन्दा आँखाहरु देखेर
सम्झाइरहनु हुन्छ
“कान्छा पीर नलिई
मान्छेको दुख्ख त मरेपछि मात्रै सकिन्छ”

उसो भए म बाच्न चाहान्छु।।

प्रधानमन्त्रीले पाएनन् विश्वासको मत

काठमाडौं । प्रधानमन्त्री केपी शर्मा ओली पदमुक्त भएका छन् । विश्वासको मत लिने प्रस्ताव संसदबाट बहुमतले अस्वीकृत भएपछि प्रधानमन्त्री ओली स्वतः पदमुक्त भएका हुन् ।

प्रस्तावको पक्षमा ९३ मत परेको छ । प्रधानमन्त्री पदमा कायम रहन ओलीले १३६ मत पाउनुपर्ने थियो ।

संसदको सबभन्दा ठूलो दल एमालेका १२१ सांसद छन् । तर एमालेको माधवकुमार नेपाल पक्षका सांसदहरु बैठकमा उपस्थित नै भएनन् ।

नेपाली कांग्रेस, नेकपा माओवादी केन्द्र, जनता समाजवादी पार्टीको बाबुराम भट्टराई–उपेन्द्र यादव पक्ष, राष्ट्रिय जनमोर्चाले विपक्षमा मत दिएका छन् ।

जसपाको महन्थ ठाकुर–राजेन्द्र महतो पक्षका सांसदहरु भने तटस्थ बसेका छन् ।

गीत-सङ्गीत र साहित्यका यी मूर्खहरू नभए नेपालको अस्तित्व के हुन्थ्यो ? -सुरेश अधिकारी

म मान्छु सरकारले विकासको काम अत्यन्तै तिब्र रुपमा अगाडि बढाएको छ । तर नेपाली भाषा सस्कृतिको सार्वभौमिक अस्तित्वलाई विश्वमा बुलन्द बनाउने नेपाली स्रष्टाहररूको अस्तित्व रक्षा गर्ने काममा कुनै पनि सरकारको ठोस कदम अगाडि न आउनु साह्रै दुखद् र चिन्ताको विषय हो । वन कन्भेन्सनको सदस्य मुलुकको रुपमा पनि नेपालले आफ्नो कर्तब्य निर्वाह गर्नु पर्ने धेरै ठाउँहररूमा सरकार चुकेको छ ।

प्रतिलिपी अधिकार रजिस्ट्रार कार्यालयको स्थापना गरेर मात्रै आफ्नो कर्तब्य पूरा भयो भन्ने ठान्नु नेपाल सरकारको कमजोरी बिगतदेखि नै रहँदै आएको छ । प्रतिलिपी अधिकार ऐन पनि कार्यान्वयन हुन नसकेको कानूनको सूचीमा रहेको कुरा सरकारलाई जानकारी गराउन सङ्घ सस्थाले नै अग्रसरता लिनु पर्ने हो । एउटा व्यक्ति चिच्याएर रुँदै हिँडेर राज्यलाई बुझाउन कदापी सक्दैन । सङ्घ सँस्थाहररूको आपसी समन्वयको अभाव त छँदैछ, अझै सङ्घ सँस्थाहररूमा नेतृत्वदायी भुमिकामा रहेका व्यक्तिलाई सही बाटो देखाउने अभिभावकीय भूमिकाको पनि खडेरी छ । प्राज्ञिक क्षेत्रका बुध्दिजिवी भए पनि आफ्नो चुरो समस्या के हो भनेर बुझ्न सक्ने क्षमता नभएरै लक्ष्मी प्रसाद देवकोटाहररू जस्तै अहिलेका स्रष्टा पनि आफ्नो गरिबी र अभावप्रति गर्व गर्नु पर्ने पारम्परिक बिडम्बना अङ्गालेर काल कुरिरहेका छन । तिनै पीडितहररूलाई दुःख बिमार पर्दा केही चन्दा वा आर्थिक सहयोग जुटाएर समाजमा आफ्नो प्रतिष्ठा आर्जन गर्ने मान्छेहररूकै लाममा सङ्घ सँस्थाका अगुवा उभिएर आफ्नो कर्तब्य निर्वाह गर्दैछन् । असल र क्षमतावान स्रष्टाहरू सङ्घ सँस्थाको नेतृत्व लिन कदापी तयार छैनन् । आपसी आरोप प्रत्यारोप र व्यक्ति सिध्याउने षड्यन्त्रमुलक खिचा राजनीतिमा मुछिन नचाहनु त्यत्ति ठुलो गल्ती पनि हैन । त्यसैले समस्या हमेशा समस्या नै रहँदै आएको छ ।

विश्वका धनिमानीहरूमा गनिने वर्गका स्रष्टा, कलाकार नेपालमा भने गरिब भनेर किन चिनिए ? सोच्ने कसले हो ? दुई रुपियाँको उत्पादन लागत पर्ने चाउचाउलाई चालिस रुपियाँ तिरेर होटेलमा खाँदै सित्तैमा टिभिमा हेर्दै गरेको गीतको म्युजिक भिडियोको लागत दस लाख हो भन्ने कुरा कसले कसलाई बुझाउने होला ? सरकारमा बस्नेहररू धेरै जसो ले त अवश्य सोच्छन् होला कति मूर्ख मान्छेहररू यी स्रष्टा कलाकार, एक पैसा उपज नहुने यस्तो वाहियात काममा लाखौँ लगानी गर्ने ! बरु हिन्दी वा अर्कै भाषाको गीत सुने भै गो नि । किन गीत गाउनु ? किन कविता लेख्नु ? आर्कै आम्दानी हुने काम गर्न सक्दैनन् र ? एकजना त कोही निस्कोस् यो बुझ्ने कि, गीत सङ्गीत र साहित्यका यी मूर्खहरू नभए नेपालको अस्तित्व के हुन्थ्यो ? तपाईहरू कसको सरकार चलाउनु हुन्थ्यो ?

डा. सुदीप भट्टराईको धमाकेदार नृत्य गीत

दामक  | केटोको प्रस्तावको प्रतिक्रियामा ‘नाई नाई नाई’ को जवाफ मात्र आएपछि झापाली केटो केटी फकाउने जुक्ति निकाल्न नसकेर अलमल्लियो ।

कुरा हो ‘नाइ नाइ नाइ’ गीतको । आफ्नै शब्द र संगीत रहेको गीतमा डा. सुदीप भट्टराईले आवाज दिएका छन् । गोपाल रसाईलीको एरेन्जमा अडियोलाई तयार पारिएको छ ।

सार्वजनिक म्युजिक भिडियोमा दिपेन्द्र शाही ठकुरी र सन्ध्या आचार्य फिचर छन् । भिडियोमा शर्मिला सुनुवारको मेकअप, दिपेन्द्र शाही ठकुरीको कोरियोग्राफी, दिनेश पराजुलीको छायांकन र अमृत चापागाईंको सम्पादन र रङ्गसंयोजन रहेको छ । डान्सिङ जेनरामा तयार पारिएको भिडियोलाई गौरव दर्पणले निर्देशन गरेका छन् ।

 

अफ्रिकन महिलाले यसरी गाइन् यो चर्चित नेपाली गीत

काठमाण्डौ | चर्चित गीत ‘फूलबुट्टे सारी’ अब अफ्रिकी महिलाको स्वरमा सुन्न पाइने भएको छ। गत शुक्रबार युट्युब च्यानल डिका इन्टरटेन्टमेन्टबाट युगान्डाकी वियोन्से फ्यामेसीको स्वरमा ‘फूलबुट्टे सारी’ सार्वजनिक भएको हो।

हालसम्म यो गीत नेपाली गायक मार्मिक लामा, मिलन नेवार, अरिष्मा सिवाकोटी, मदन कृष्ण श्रेष्ठको स्वरमा सुनिरहेका थियौं। यही गीतको थुप्रै कभरहरू पनि युट्युबमा पाइन्छ। यो गीतको रचनाकार र संगीतकार राजनराज सिवाकोटी हुन्।

विभिन्न भर्सनमा निस्किएको यो गीतले करोडौं भ्यूज पाइसकेको छ।

दि क्याप्टेन वियोन्से फ्यामेसीले गाएको गीतमा पनि ३५ हजार भ्यूज नाघिसकेको छ। पछिल्लो समय नेपालमै रहेकी उनले युट्युब च्यानल एनबिएसबाट सार्वजनिक केही छोटा फिल्महरूमा पनि अभिनय गरेकी छन्।

उनले गाएको ‘फूलबुट्टे सारी’को म्युजिक भिडिओमा सेरा सेरा र राजु खड्काको प्रस्तुति छ। भिडिओ डिका गुरुङको निर्देशन, छायांकन र सम्पादनमा तयार भएको हो।

समाचार सेतोपाटी बाट

गायक प्रदीप कार्कीको नयाँ गीत सार्वजनिक

दमक, बेलायतमा बस्दै आएका गायक प्रदीप कार्कीको ‘सुनै सुनको तिलहरी’ बोलको गीतको म्यूजिक भिडियो सार्वजनिक भएको छ । यस गीतमा गायक कार्कीलाई गायिका बेनिशा पौडेलले साथ दिएकी छन् ।

गीतमा शब्द संगीत दिपक शर्माको छ भने नरेन्द्र वियोगीको संगीत संयोजन रहेको छ । यस गीतको म्यूजिक भिडियोलाई विधान कार्कीले निर्देशन गरेका छन् ।

गीतको म्यूजिक भिडियोमा आकाश श्रेष्ठ र उषा उप्रेतीले अभिनय गरेका छन् । म्यूजिक भिडियोलाई गायक कार्कीले आफ्नै युट्युब च्यानलमार्फत सार्वजनिक गरेका छन् । यसअघि पनि उनले लोकप्रिय संगीतकार, गायिका तथा गीतकारहरुसंग काम गरिसकेका छन् ।

कार्कीले सन् २००६ मा कृष्णहरि बराल तथा नरेन्द्रराज प्रसाईंको रचना र स्व. रत्न बहादुर खड्गीको एकल संगीतमा ‘आविष्कार’ नामक एल्बम निकालिसकेका छन् । सन् २००९ मा न्हूँ बज्राचार्यको संगीतमा देशभक्ति गीत ‘मेरो लास जलोस् बागमतिमा’ र रमा सिंहको रचनामा ‘यो जीन्दगी’ पनि कार्कीका लोकप्रिय गीत अन्तर्गत पर्दछन् ।

चाडै नै उनको अर्को एउटा गीत पनि सार्वजनिक हुँदैछ, जसको अडियो रेकर्ड भैसकेको छ । उक्त गीतको म्यूजिक भिडियो छायांकन भने लन्डनमा नै गर्ने सोच रहेको गायक कार्कीले बताए ।

Song Link:

१ लाख ५० हजार घुससहित अधिकृत पक्राउ

जनकपुरधाम । आन्तरिक राजस्व कार्यालय जनकपुरधामका कर अधिकृत एकजना विचौलियासँगै घुस रकमसहित पक्राउ परेका छन् ।

कर अधिकृत रमेश ढकाल र विचौलिया नवीन कर्णलाई सेवाग्राहीबाट १ लाख ५० हजार रुपैयाँ घुस लिँदै गर्दा पक्राउ गरिएको अख्तियार दुरुपयोग अनुसन्धान आयोगले बर्दिवासले जनाएको छ ।


स्थानीय अन्नपूर्ण होटेलमा बसेर सेवाग्राहीसँग घुस लिँदै गर्दा बुधबार साँझ दुबै जना पक्राउ परेका हुन् ।

दुवै जनाले एकजना डिष्टिलरी उद्योगीसँग कर वापतको रकम मिलाइदिने नाममा घुस लिएको अख्तियारका अधिकारीहरुको भनाइ छ । पक्राउ परेका दुबै जनाबिरुद्ध थप अनुसन्धान भइरहेको अख्तियारले जनाएको छ ।

 

News by Online Khabar

ताप्लेजुङको दोभानमा भीषण आगलागी

काठमाडौं । ताप्लेजुङको दोभान बजारमा आगलागी हुँदा चालीस बढी घर जलेका छन् । आज बिहान करिब ९ बजेदेखि सुरु भएको आगलागी अझै नियन्त्रणमा आउन सकेको छैन ।

आगो नियन्त्रणको प्रयास भइरहेको ताप्लेजुङ प्रहरी प्रमुख डिएसपी बालनरसिंह राणाले बताए । उनका अनुसार स्थानीयले चालीस घर जलेको जानकारी प्रहरीलाई दिएका छन् ।

आगो निभाउन ताप्लेजुङ नगरपालिकाको दमकल प्रयोग गरिएको छ । ताप्लेजुङबाट दोभान बजार पुग्न गाडीमा करिब एक घण्टा लाग्छ ।

आगलागीको कारण खुलेको छैन । आगोले पुर्याएको क्षतिको विवरण पनि आउन बाँकी छ ।

दोभान ताप्लेजुङ जिल्लाको दोस्रो ठूलो बजार हो । यहाँ काठले बनेका कच्ची घरहरु धेरै छन् । बाटो पनि साँघुरो छ । दोभान बजारमा एक सय जति घरहरु रहेको स्थानीय बताउँछन् ।

 

News by Online Khabar

चलचित्र ‘बाबरी’ मा तृप्तीका छोरा ‘धिरज टोटलानी’ र अदितीको अभिनय

काठमाण्डौ | नेपाली चलचित्र क्षेत्रमा कुनै समय नायिका तृप्ती नाडकरको क्रेज गज्जब थियो । उनले अभिनय गरेका केही चलचित्रले ५१ र १०० दिन मनाएका छन् । उनै, तृत्ती लामो समयदेखि अभिनयमा सक्रिय छैनन् । दोश्रो बिहे गरेर भारतमा बस्दै आएकी तृप्तीले अब भने आफ्ना छोरा धिरज टोटलानीलाई चलचित्र क्षेत्रमा ल्याउने तयारी गरेकी छिन् ।

सुरेन्द्र पौडेलको निर्देशनमा तयार हुन लागेको चलचित्र ‘बाबरी’बाट धिरजले नेपाली चलचित्र क्षेत्रमा डेब्यू गर्दैछन् । नायिका तृत्ती आफ्ना छोराले पनि नेपाली चलचित्र क्षेत्रमा काम गरुन् भन्ने चाहन्थिन् । उनकै चाहना अनुसार धिरजले नेपाली चलचित्रमा अभिनय गर्न लागेका हुन् ।

यो चलचित्रमा नायिका अदिती वुढाथोकीसँग उनले रोमान्स गर्नेछन् । अदितीको यो दोश्रो चलचित्र हो । यसअघि अदितीले चलचित्र ‘कृ’मा अभिनय गरेकी थिइन् ।

चलचित्र ‘बाबरी’ अदितीकै होम प्रोडक्शनबाट बन्न लागेको चलचित्र हो । यो चलचित्रको छायांकन केही दिनमै सुरु गर्ने तयारी सुरेन्द्रको छ । लकडाउन अगाडि नै चलचित्रको छायांकन सुरु गर्ने योजना निर्माणपक्षको थियो । तर, कोरोना महामारीका कारण चलचित्रको छायांकन सुरु हुन सकेन ।

यो चलचित्रको छायांकन काठमाण्डौ, सिक्किम लगायतका स्थानमा गरिनेछ । ४५ दिनको छायांकन सेड्यूलमा चलचित्र खिचिने निर्माणपक्षले बताएको छ । चलचित्रमा अदिती र धिरजको साथमा नितेशजंग कुँवरको मुख्य भूमिका रहनेछ ।

अनलाइन खबरबाट साभार

 

Tripti Nadkar Biography

 

निरुता सिंहको जीवन कथा

दमक  | एक समय नेपाली चलचित्र उद्योगमा एउटा भनाइ प्रख्यात भएको थियो “जब निरुत रुन थाल्छिन् तब निर्माता हाँस्न थाल्छ” । हुन पनि दक्षिणा चलचित्रबाट नेपाली चलचित्र उद्योगमा निरुता सिंहलाई परिचय गराउँदा निर्देशक तुलसी घिमिरेले भनेका थिए “सतकौँको खोजीमा प्राप्त भएकी नायिक हुन् निरुता सिंह” । निरुता सिंह भन्छिन् “त्यतिबेला त्यो भनाइको अर्थ नै मलाई थाहा थिएन ।” तर तुलसी घिमिरेको बोली खेर गएन, निरुता सिंहले त्यसको लागि आफुलाई योग्य र सही साबित पनि गरिछाडिन् । नेपाली चलचित्र उद्योगका १०० वटा भन्दा धेरै चलचित्रमा नायिकाको भूमिकामा छिन् निरुता सिंह । र ती १०० वटा चलचित्रमा अधिकांस चलचित्र सफल छन् । थुप्रै चलचित्र ब्लकबष्टर छन् । चलेनन् भनेका चलचित्रले पनि लगभग लगानी डुबाएका छैनन् । अब यत्ति भइसकेपछि के भन्न सकिन्छ भने, नेपाली चलचित्र उद्योगबाट निरुता सिंहको नाम मात्रै एकै छिनका लागि झिकिदिने हो भने नेपाली चलचित्र उद्योग अपाङ्ग बन्छ र त्यहाँ एउटा खाडलको निर्माण हुन्छ ।

निरुता सिंहको जन्म वि.सं. २०२९ साल असोज १० गते मंगलबार अर्थात सन १९७२ सेप्टेम्बर २६ मा भएको हो । उनी दाजेलिङ्मा जन्मिएकी हुन् । उनी उनका बुबाआमाकी कान्छी छोरी हुन् । उनीभन्दा माथि एकजना दिदी र एकजना दाजु छन् । निरुता आफ्नो बालापन सम्झिँदै भन्छिन् “सानोमा म एकदमै चकचके र बदमास थिएँ ।” सेतो रङ उनलाई सबैभन्दा मन पर्ने रङ हो । उनको घरमा निरुतालाई सबैले ‘निरु’ भनेर बोलाउँछन् । उनी सानो छँदा उनलाई घरका मानिसले र उनका साथीहरूले जिस्काएर बोलाउने नाम ‘बिल्लु’ हो । उनलाई त्यतिबेला ‘बिल्लु’ भनेर बोलाउँदा खुब रिस उठ्थ्यो । निरुतालाई ग्रिन टी पिउन खुब मन पर्छ । उनी क्रिकेटकी फ्यान हुन् । उनी भ्याससम्म साना ठुला क्रिकेटका खेलहरू हेर्ने गर्छिन् । उनलाई सबैभन्दा मन पर्ने ठाउँ काठमाण्डौ हो । उनलाई काठमाण्डौ चाहिँ “मेरो सबथोक हो, मेरो कर्मभूमि हो” जस्तो लाग्छ । निरुतालाई बनपर्ने जनावर बाँदर हो । उनलाई बाँदर देखेपछि हेरेको हेरेकै गर्न मन लाग्छ । बाँदरको चुलबुले र चककचे स्वाभावले उनलाई मोहित पार्छ । निरुता सिंह सर्पसँग हदै डराउँछिन् । “सर्प” भन्ने सुन्दा पनि उनको स्वास रोकिन खोज्छ । टीभीमा पनि सर्प देखिन भने कि त आँखा बन्द गर्छिन कि त च्यानल परिवर्तन गर्छिन् ।

विं. सं. २०४५ सालमा ब्लकबष्टर नायिक तृप्ती नाडकरले चलचित्र खेल्न छोड्दै गर्दा नायिक करिष्मा मानन्धर र गौरी मल्ल नेपाली चलचित्र उद्योगमा उदाउँदै थिए । तर पनि निर्देकश तुलसी घिमिरे भने नयाँ नायिककाको खोजिमा थिए । त्यही सिलसिलामा २०४७ सालमा उनले बनाएको चलचित्र दक्षिणामा पहिलो पल्ट अभिनय गराउँदै तुलसी घिमिरेले नै निरुता सिंहलाई नेपाली चलचित्र उद्योगमा भित्र्याएका हुन् । तलको भिडियोमा निरुता सिंहको समग्र कथा प्रस्तुत गरिएको छ ।